موضوع: مكرت بيها وكان عقابى ان مكرى اترد لى فى نحرى السبت يونيو 09, 2012 3:23 am
بسم الله الرحمن الرحيم
السلام عليكم ورحمة الله وبركاته ازيكم يا حبيايبى انا النهارده جايه اقولكم على شئ عملته من حوالى 9 سنين هحكيلكم على قد ما اقدر بأختصار انا يا بنات كنت مخطوبه بعد ماخلصت الجامعه وزى اى بنت بيكون فى مشاكل وقت الخطوبه وبعد الجواز وممكن تفضل المشاكل دى لسنين المهم يابنات انا اتجوزت فى بلد فلاحين بس بعيد عن حماتى بشاارع طويل وفى الفلاحيين والى الان العيش كان بيجى بأشتراك ومش بتقدر تشتريه المتجوزين بس اللى يقدرو يتعمل لهم الاشتراك ده
حماتى قالت هنعمل لكم اشتراك وياخدو همه النص بجانب اشتراكم عشان عندها طيور طبعا احنا فردين ولما يجى لك كل يوم حوالى 10 ارغفة عيش كتير اوىىىىىىىىىى على اتنين وبصراحه يا بنات وده اللى ماقدرتش اقوله لاى مخلوق الدنيا حتى اختى اقرب واحده ليا فى الدنيا (والله اختى مشتركه هنا بس يااااااااااارب ماتشوف الكلام ده) وحبيت اشيله من صدرى
لان كان فى مشاكل متراكمه بالمناسبه انا كنت داخله حياه جديده وكنت فراحانه اوى وكمان الفلاحين بالنسبه لى مش وحشه لان اهلى امى كانو كلهم هناك يعنى بالنسبه لى مكان جميل اوى ده قبل ما اطفش من هناك هههههههههههه
المهم يا بنات نرجع تانى ان كان فى مشاكل متراكمه ومش هدخل فيها عشان مانتهوش من غيظى وغل قلبى من تجاه حماتى وحماياه ربنا يجازيهم على اللى عملوه فيا كنت بقول ايه وده ده المكر وخلى بالك يا حبيبتى من اللى هقوله ده
كنت بقول فى نفسى ولنفسى انا هاكل العيش اللى هيفضل كله عشان مايفضلش عيش ارجعه لحماتى للطيور لان هى اساسا عملت الاشتراكات دى عشان ياكلو واللى يفضل تأكل الطيور
نسيت طبعا انى اقولكم انى لما اتجوزت كان وزنى 60 كيلو يابنات اقسم بالله انى خلال سنه من الجواز بسبب اللى عملته ده زاد وزنى الى مايقارب اللى الضعف وعمرى ابدا ماوصلت ابدا للرقم ده كان جزائى وكان جزاء وفاقا كنت استاهل فعلا انى اتخن بالشكل ده منظرى بقى وحش جدا ولانى كمان قصيره تخيلى انتى هبقى عامله ازاى
والله الموقف ده اتكرر معايا برضوه وكان مع اخت زوجى البنت دى مش هقول كانت بتعمل معايا ايه عشان مااخدش ذنب عليها بس بتمنى لها من كل قلبى ان اى شئ كانت بتعمله فيا او امها وابوها بيعملوه فيا يتعمل فيها
الموقف التانى بقى ايه كنت بتمنى لها من قبلى اللى مليان سواد ومااتعظتش من الموقف الاول انها فى الاعداديه تجيب درجات ماتدخلش بيها جامعه والله يابنات انا كنت بفكر كدا مع نفسى وعمرى مااتكلمت مع احد فى الكلام ده بس ربنا مطلع على اللى فى القلوب وسبحان الله كنت هتجنن عشان اطلع نتيجتها من النت وكنت منتظره انها تجيب درجه وحشه عشان اشمت فيها شفتو الغل والغيظ بيعمل ايه فى القلوب يارب ارحمنا واشفى صدورنا من الغل والحقد والحسد يارب وطبعا اترد ليا مكرى فى نحرى وجابت درجات دخلتها كليه تجاره
ومن غفلتى وجهلى نسيت ان ربنا مطلع على اللى بيدور فى قلبى وعقلى وان ربنا وعد ان اللى بيمكر ربنا بيرد له مكره ده فى نحره
مهما تعملى يا اللى ناسيه ربنا انك لو خطتتى لشئ ومكرتى لاى شخص حتى لو شئ تافهه ربنا مش هيسيبك
وهيرد لك مكرك ده فى نحرك اوعى تمكرى حتى لو شئ ظغنون اوى
واوعى تنسى او تغفلى بجهلك ان ربنا مايعرفش جتى اللى بيدور فى عقلك وحدى موغظه من اللى حصل معايا وسلمى امرك لله عمر ربنا ماهيخذلك ابدا ابدا طالما انتى مع ربنا وكل ما هوى نفسك وشيطانك يغرك انك تمكرى بأى حد لمجرد مشاكل بينكم افتكرى ان ربنا مطلع عليكى واستعذى بالله من الشيطان الرجيم فوضى امرك لله واستغفرى ربنا على اى شئ ممكن تكونى عملتيه وسيائتك ممكن تكون فى تزايد بسبب الذنب ده
انا جبيت احكى لكم على اللى عملته واستغفر ربنا واتوب إليه من اللى عملته ده لعل الله يغفر لى ذنبى ده وانه فعلا والله يابنات كان اكبر درس ليا وان عمرى ابدا ما امشى ورا شيطانى وان كل شئ بيترد ليا سواء موقف زى مواقفى دى او كلمه شماته ممكن تقولى وتنسيها وتلاقيها ترجعلك من تانى واخيرا اللى شايفه ان موضوع ده يستاهل طالبه من حاجتين 1- اوعى تنسى تقيمى لاعضك واعيط واغرق الدنيا هنا 2- تدعيلى وخديها كوبى وبست يا اللى كسلانه اللهم اجعلها من مستجابى الدعاء
واخيرا اللهم انى استغفرك واتوب اليك من كل ذنب فعلته عن عمد وجهل من ذنب سوء تذكرته ام لم اتذكره
موضوع: مكرت بيها وكان عقابى ان مكرى اترد لى فى نحرى 
السبت يونيو 09, 2012 3:23 am
واغرق الدنيا هنا
