تعالو نكمل حكاياتنا فى الاجازة واللى بيحصل فيها ( الجزء التانى )

Admin المساهمات : 542 تاريخ التسجيل : 11/08/2009

اخواتى الفاضلات وحبايب قلبى

عاملين اية اولا انا بشكركم جدا

وبشكر كل اللى شرفونى فى الموضوع

وبجد كانت صحبة حلوة والكلام كله كان طالع من القلب

وشجعتونى على انى اعمل الجزء التانى

لانى استفدت من تجاربكم واكيد فى بنات غيرى

استفادت وكمان بالنسبة لموضوع الهدايا
يلا مش هرغى كتير
الف مبروك علينا الجزء الجديد
وعاوزاكو تتفاعلو معانا
ودا الموضوع مش هحط الرابط

لقيتى الدنيا عاملة ازاى زى ماسبتيها ولا لا
ولاحسيتى انك فاتك كتير والناس اتقدمت وانتى زى ماانتى
ولا حسيتى انك بقيتى احسن واستفادتى من غربتك
والناس كمان اكيد اتغيرو معاكى ولا اية عاملوكى ازاى
اتهموكى بالغرور اكيد
طيب انتى فعلا حاسة انك اتغريتى واتغيرتى
انا هبدا بنفسى
لقيت كل واحد ملهى فى حاله ومحدش فاضيللك واللى مهتم بيكى

اكيد عشان مصلحة جالى احساس ان مافيش عواطف والعلاقات كلها مصالح فقط
وانى بكون فى وسطيهم ضيفة جاية شوية وماشية بصراحة انا ابتديت احس
انى اما بنزل مصر بكون متغربة وبعد الايام علشان ارجع هنا تانى

الناس بتعاملنى على انى خلاص جاية من كوكب تانى وخلاص طالما اتغربت

يبقى شايفة نفسى وبعامل الناس من فوق والكلام الفارغ دة ومش حاسة باى ظروف
فى مصر ولا باى حد مااحنا معا نا فلوس بقى جينا غرفناها من البحر ورجعنا
بس هما مش قادرين يستوعبوا ان احنا عايشين حياة عادية بحلوها ومرها عادى يعنى

ويمكن هما اللى عايشين فى مصر يكونو احسن مننا
وكفايا اوى نعمة الاستقرار اللى احنا مفتقدينها

غير بقى الكلام اللى مالوش لازمة والتوقيع
ماهو انا مش هناك بقى يعنى مثلا لقيت سلفتى

قايلة كلام على لسانى محصلش لاخوات جوزى والكلام يمسوهم ومزعلاهم منى

وتيجى تتكلمى وتحاولى تاخدى حقك يبقى الكلام بقى اية

(اه خلاص مااللى على على -------هى حد عارف يكلمها ----هى جاية تقطع العلاقات وهكذا )

بالرغم من انى ببقى نازلة عاوزة اعيش كل الايام اللى ضاعت هنا

وربنا اللى عالم عمرى معاملتى مااتغيرت بالعكس ببقى محتاجاهم

وبلاقى معاملة غريبة وتصرفات مستفزة واستغلال وحاجات كتير
اكيد انتو عارفين الباقى

وحاطنى على طول فى مقارنة معاهم

والمواقف كتير جدا لو عجبكو الموضوع وحبيتو نتناقش

هاحكى المواقف اللى بتحصل معايا

هااااااا مين هتقول مبروك وتقيم وتشارك كمان
ههههههههههه

» تعالو شوفو يا بنات ايه اللى حصل بعد الاستخاره
» اثار فرعونية للصبح الجزء الاول
» تعليمات وارشادات قسم الترحيب والاجتماعيات الجزء الثانى