موضوع: علمت بنتي ازاي تدعي ربنا وبعدين قالتلي السبت يونيو 09, 2012 3:25 am
اخواتي وحبيباتي اتمني من الله عز وجل ان تكونو جميعا ف اتم صحه واحسن حال كل سنه وانتم طيبين خلاص رمضان علي الابواب اللهما بلغنا جميعا رمضان قبل ما نحكي تعالو كده نعطر مجلسنا وافواههنا بذكر الله والصلاه علي الحبيب اللهما صل وسلم وبارك علي سيدنا محمد وعلي اله وصحبه وسلم سبحان الله والحمدلله ولا اله الا الله والله اكبر ولاحول ولاقوه الا بالله العلي العظيم انا من الناس اللي الدعاء غيرلها حياتها كل امنياتي او معظمها اتحققت بالدعاء وشويه شويه بقيت استمتع بالدعاء نفسه بصرف النظر عن الاجابه ندخل بقي في صلب الموضوع انا عندي تلات ولاد بنتين وولد ربنا يبارك فيهم هما وكل ولاد المسلمين امين يارب العالمين ديما وقت نزول المطر اوبعد كل اذان او ساعه صلاه الجمعه ليه مكان مخصوص بدعي منه اول ما اروح عنده القي ولادي واقفين جنبي ورافيعين ايديهم الصغيره
وبيدعو الله عليه منظر وسبحان الله ديما ربنا بيستجيب لهم ماشاء الله بنتي بقي جت تحكيلي بتقولي ياماما انا مش مصدقه ربنا قبل دعوتي ومستر ...... مشي كان مدرس عندهم وكان مكروه جدا ومضايق طلابه بالمناسبه بنتي ف سنه 6 وبدات تقولي انا مستغربه اوي ياماما ازاي انا صغيره كده واحنا ناس كتيييييير اوي وبرضه ربنا شايفني وسامعني وانا وسط كلللل الناس دي كلها لاء وكمان بسمع كلامي وبيجيبلي اللي انا عاوزاه انتي عارفه ياماما البوت اللي جيبتهولي انا اتكسفت اطلبه منك وكان عاجبني اوي فدعيت ربنا وربنا استجابلي انا بعد كده مش هطلب منك حاجه انا ديما هطلب منه هو مش عايزه اوصفلكم سعادتي وقتها بكلام بنتي كان اد ايه قدرت اربيها انها تكون علي صله بالله مش بس بالصلاه ولكن برضه بالدعاء بالدعاء مافيش مستحيل الدعاء يرد القدر بالدعاء تحصل علي سعاده الدنيا والاخره تعالو كلنا نرفع ايدينا ونحمد ربنا انه وهب لنا نعمه مش كتير واخد باله منها نعمه الدعاااااااااء بحبكم ف الله اوعو تمشو قبل ما تعملو حاجتين الاولي تصلو ع الحبيب صلي الله عليه وسلم والتانيه تدعو لاموات المسلمين ربنا يرحمهم اجمعين والتالته اختياري لو عجبك موضوعي وشايفه انه يستاهل .... قيمي
موضوع: علمت بنتي ازاي تدعي ربنا وبعدين قالتلي 
السبت يونيو 09, 2012 3:25 am
