موضوع: الفيديو اللي شفته ع الفيس طلع في بيتنا تخيلوا السبت يونيو 09, 2012 3:21 am
السلام عليكم فتوكات القلب
والله العظيم اللي بحكيه حقيقي واصلا طبيعي يكون حقيقي.... يعني من الاخر لا داعي للحلف ....صح؟ الحكاية بما فيها ... بس قبل ما ابدا اسمحوا لي بكلمة مهمة ومهمة جدا وهي حديث عن رسولنا الحبيب صلى الله عليه وسلم
كانت امي رحمها الله ياااا رب تذكر لي هذا الحديث دووووما ((من بات امنا في سربه معافا في بدنه يملك قوت يومه فكانما حيزت له الدنيا)) وطبعا معناه معروف للجميع تخيلواكنت اسمعه وافهمه لكن ما عشته اليوم اهلي الله يرحم ضعفهم عايشينه......نرجع للحكاية من كم يوم فتحت مقطع يخبرنا عن البلاوي اللي عملها بشار بمدينتنا وشارعنا المقطع كان عن الدمار والتخريب الخ.... طبعا الثوار مصورين الفظاعات اللي حصلت للبيوت وكنت سمعت من اهلي عن القصف اللي حصل لبيوتنا كلنا لكن ما تخيلت ابدا اللي شفته!!!!
بالصدفة التصوير كان لبيتي وبيت اختي يااااااااااااااااااااااه ع البيت واللي حصل له
اختي الحبيبة اللي طلعت روحها حتى اتلمت ع بيتها بعد سنين وسنين صبر وتعب وما صدقت شطبته بكل شقى وتعب ويدوبك بعد كم شهر من تشطيبه بدات الثورة والاقيلكم من كم يوم البيت خرابة بكل المعنى الجدران طايرة السقف تحول ل مصفى الشبابيك الابواب السيراميك كل شي طار وتهدم واكوام الاسمنت والبلوك والزجاج الفيميه غطت الارض وبقى البيت على عروشه تعصف به الريح من كل جهاته اللي صارت مفتوحة على الشارع
اتصلت بها وقلت لها انتو ما قلتو انو بيتك بهذه الحالة لاني افتكرت قذيفة وحدة واثر بسيط ما تخيلت البلا دة كله قالت لي والله لما شفته قلت اللهم اجرني في مصيبتي واخلف لي خيرا منها وما حبينا نشغلك ااااه يا اختي الله يفرج عنها والحمد لله ع سلامتها توام روحي البي معلق باختي الله يحفظها سالمه يا رب
طبعا بيتي انقصف كمان وبيت اختي التانيه واتسرق وكل معارفي بيوتهم راحت الحمد لله على كل حال
ورجعت لحديث الرسول عليه الصلاة والسلام اااااه دلوقت اهلي وكل اهل سوريه مش بامان ...ولا بعافية (المرضى بلا دواء) ومعظمهم بلا قوت ولو ليوم ......يعني عكس الحديث وهكذا اصبحت سورية بسبب الطاغية خاوية على عروشها واهلها لاجئين!!!!!!!
كتبت الموضوع لاقول لكل فتوكة زعلانة من اي شيء ...مهمومه...مكروبة ..حزينة صدقيني اذا كنت بامان ومش نايمة وانت خايفة لقذيفة تصحيك على شلل او عاهة مستديمة او ما تصحكيش بالمرة!!!ولو عندك قوت يومك ومش بتاكلي كل يومين عيش ناشف معفن ولو انت بصحتك يبقى الدنيا ملك ايدك ف ارمي حمولك التانية ع الله واستمتعي باللي عندك مهما كان بسيط وما تزعلي ع اي شئ ولا تشيلي حزن والله لو شفت بلاوي الاخرين لتهون عليك بلوتك
بعرف انو الامر قد يبدو صعب وقد تجدي حزنك بالنسبة لك ضخم بس فكري بحديث الرسول والله لتلاقي الراحة
الله يرحمنا وينتقم من بشار الطاغية شر انتقام ويرحم شهداءنا ياااااا رب ويشفي جرحانا امييييييين
نفسي بس لو حد قرا فضفضتي دي يدعي لنا بالفرج فرج الله عنا وعنكم يااا رب وعن كل الامه الاسلامية
اخيرا الحمد لله ع نعمة الاسلام وكفى بها من نعمة الحمد لله الحمد لله
الحمد لله الذي انعم علينا بالاسلام ولولا كدة كنا خالدين بنار جهنم( مهما كانت الدنيا ممتعة لنا) لان بالنهاية الحياة لها اخر لكن الاخرة خير وابقى الحمد لله على نعمة الاسلام استودعكم الله يا اغلى صحبة والسلام عليكم ورحمة من الله
موضوع: الفيديو اللي شفته ع الفيس طلع في بيتنا تخيلوا 
السبت يونيو 09, 2012 3:21 am
